Во текот на вчерашниот ден Министерството за внатрешни работи известува дека спровела зајакната акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 138 возачи.
– Од нив 12 возилa се движеле со брзина над 50 километри на час повеќе од дозволеното. Притоа, 64 возачи ја пречекориле брзината во населено место, а 74 надвор од населено место, соопшти МВР и додава дека во наредните денови ќе продолжат со засилените акциски контроли.
– Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, велат од МВР.