Престрелка меѓу две групи попладнево се случила во Гази Баба. Неофицијално, вооружени лица пукале со автоматско оружје. Засега од МВР велат дека немаат информации за овој случај.
Оттаму потврдуваат само дека во градската болница св. Наум Охридски било донедено едно повредено лице, а пријавено е од страна на лекарите.
„Од страна на персоналот во болницата св. Наум Охридски беше пријавено дека околу 15:45 беше донесено едно повредено лице“, велат од МВР.
По престрелката се врши увид на улицата Ордан Чопела, која се наоѓа во близина на парк шумата Гази Баба.
