По информацијата дека вооружени разбојници ја ограбиле филијалата на „Халкбанкa“ во Визбегово, од банката велат дека во инцидентот нема повредени.
„”Халкбанк АД Скопје’ ја известува јавноста дека нема повредени и дека ситуацијата е ставена под контрола од страна на надлежните институции кои работат на расветлување на случајот. Халкбанк воедно ги известува сите свои клиенти дека нивните средства се осигурени согласно политиките на Банката“, велат оттаму.
Според првичните информации, вооружените лица влегле во банката и им се заканиле на вработените, потоа одзеле непозната сума пари и избегале од местото со автомобилот со кој биле и дојдени пред да го извршат грабежот.
Се очекуваат подетални информации од МВР.