Градот Скопје ќе одвои уште 10 милиони денари кои ќе бидат префрлени на Јавното претпријатие за бесплатен превоз на пензионерите и во сабота. Досега превозот беше бесплатен во вторник и петок за возрасни лица над 62 години за жени и над 64 години за мажи, а со одлуката на Советот на Град Скопје пензионерите ќе добијат уште еден ден во неделата.
Градот Скопје ќе ги покрие и трошоците и за одржување на 10-те по ред Републички ревии на песни, музика и игри, во организација на Сојузот на здруженијата на пензионерите на Град Скопје.