За Владата рецесијата во Македонија била очекувана , по случувањата во Европа.Министерот за финансии најави и мерки за да ја ублажи рецесијата.
Вицепремиерот и министер за финансии Зоран Ставрески посочи за Владата во овој период е мајважно да му се помогне на стопанството, да се подобри неговата ликвидност, да се заштитат примањата на вработените и да нема поголеми отпуштања.
„Со ребалансот во мај и јуни го прилагодивме Буџетот, ги задржавме капиталните инвестици на високо ниво со цел преку нив да влијаеме во насока на поддршка на стопанството и навреме обезбедивме две кредитни линии, пред да бидат објавени овие податоци“, изјави Ставрески.
Допрва се очекуваат ефектите од двете мерки, едната која предвидува 100 милиони евра за малите и средните претпријатија и другата со која се обезбедени 11 милиони евра за земјоделските претпријатија.
„ Владата објави и програма за заштита на социјалните категории на населението преку изведување јавни работи, креирање околу 4.000 работни места директно по таа основа и дополнителни работни места преку привремените вработувања во рамки на Агенцијата за вработување, заштита на сите остатанти категории граѓани преку навремена исплата на пензиите, земјоделските субвенции. Тоа е сериозен пакет за мала земја како Македонија“, изјави вицепремиерот.
Ставревски објасни дека сите земји во соседствтоо се во негатива, Словенија има над три отсто пад, Хрватска над два отсто, Франција, Холандија, Шпанија, Италија имаат негативни стапки. Тоа, според него е причината зошто и македонската економија која целосно е насочена кон европската, во првите два квартала имаше негативен резултат.