За утре е закажано новото продолжение на седницата на Комисијата за финансирање и буџет, каде што на дневен ред е предлог-буџетот за 2018 година.
Седницата започна минатиот понеделник и оттогаш беа закажани неколку продолженија, но не се одржа ниту едно.
Според Деловникот, расправата за буџетот во Комисијата трае 10 работни денови. Поднесени се 279 амандмани, а по завршувањето на расправата во Комисијата, предлог-буџетот оди на пленарна седница каде што се расправа пет работни денови.
Предлог-буџетот за 2018 година денеска е на дневен ред на Законодавно-правната комисија.