Со автобус во четвртиот квартал лани биле превезени 11 166 000 патници, што е намалување за 12,5 проценти во однос на истиот период од претходната година, објави денеска Државниот завод за статистика.
Според видот на превозот, бројот на превезени патници е зголемен само во меѓуградскиот превоз, за 2,9 проценти, а намален во градскиот превоз за 16,1 процент, во приградскиот за 9,9 проценти и за 14,6 проценти во меѓународниот превоз.
Во четвртото тримесечје од 2023 година, во однос на истиот период од 2022 година, вкупниот број патнички километри во патниот патнички превоз е намален за 38,5 проценти. Во градскиот превоз е намален за 87,8 проценти, во приградскиот за 63,2 проценти, во меѓународниот за 6,7 проценти, а зголемен е за 4,6 проценти во меѓуградскиот превоз.