„Велешани знаат дека во време на СДСМ најголемите фабрики во градот кои беа столбови на стопанството, беа распарчени и оставени во тешки милионски долгови. На велешани им е многу јасно во чии раце е некогашниот државен и општествен капитал“, рече на прес-конференција Мартин Мајсторов од ВМРО-ДПМНЕ.
Побара да одговорат на кој начин Порцеланка е во доминантна сопственост на Комерцијална банка на Хари Костов, поранешен премиер и министер од СДСМ, како тоа Комерцијална банка и Фершпед станаа едни од најголемите доверители на имотот на Топилницата пред нејзината продажба?
„Треба да одговорат зошто делови од раскрчмениот гигант Лозар завршија во приватна сопственост, како што е управната зграда, која е во сопственост на Зоран Мирсинов (кандидат за пратеник од СДСМ во 1998 година), а дел од лозовите насади се во сопственост на групацијата М6?Нека одговорат и за Киро Ќучук, каде што Зоран Заев и Киро Камчев го имаат мнозинскиот пакет на акции. Очигледната коалција на Бранко и Љубчо има своја позадина и бизнис интереси во Велес“, констатира Мајсторов.
„Граѓаните од Велес немаат никаква доверба ниту во Бранко Црвенковски ниту пак во оние велешани кои нему му се соработници, следбеници и послушници.Граѓаните на Велес неможат да го заборават фактот дека токму Аце Коцевски и Пецо Стојановски беа пратеници во Собранието на Република Македонија кога се носеа законите за приватизација.Нивната соработка функционира и денес како никогаш досега. Аце Коцевски ќе ја бара поддршката од Велешани како кандидат на СДСМ, партијата во која Пецо Стојановски е еден од највисоките функционери.Затоа токму во Велес, граѓаните бескомпромисно го казнуваат СДСМ неколку пати по ред. И на следните избори повторно ќе загубат и повторно Велешани ќе им ја испорачаат казната за погрешните политики од транзицијата“, велат од ВМРО-ДПМНЕ.