ВМРО ДПМНЕ со реакција кон СДСМ дека се обидуваат да манипулираат креирајќи хаос и сеење магла.
„Поразениот СДСМ со години наназад го плаши народот за црни сценарија, задолженост и слични лаги. Тие по секоја цена се обидуваат да скандализираат вообичаена аукција на хартии од вредност. Тоа го прават во обид да ја манипулираат јавноста, бидејќи само со креирање на хаос и сеење магла се научени да функционираат.
Да биде иронијата поголема, оваа вообичаена пракса за секоја земја односно издавањето на државни хартии од вредност е метод воведен од страна на власта на СДСМ во 2004 година. Разликата е во тоа што денес каматата е 2%, а во време на СДСМ таа беше 5,5 пати поголема.
Оттука се поставува прашањето за што ги трошеше парите тогаш СДСМ и кој бенефит граѓаните го видоа од толку скапото издавање на државни хартии од вредност? Одговорот е никаков. СДСМ тогаш само ја задолжуваше државата, не градеше нови патишта, нови училишта, болници, детски градинки, не се доделуваа субвенции за земјолделците, не растеа пензиите, социјалната помош и платите.“ стои во реакцијата на ВМРО ДПМНЕ.