Македонија оди напред, во јули собрани рекорден број приходи од УЈП и Царина, парите што се краделе од СДС и ДУИ сега завршуваат во буџетот, велат од ВМРО-ДПМНЕ.
– Царинската управа во месец јули наплатила речиси 12 милијарди денари приходи, а УЈП над 13.4 милијарди. Наплатата и од УЈП и од Царина е рекордна. Парите кои до сега се краделе, сега наместо во приватни џебови завршуваат во државната каса. Со одговорно и домаќинско работење може да се закрпат дупките во буџетот, а потоа и да се тргне засилено напред. Од само еден месец работа под ВМРО-ДПМНЕ на органите кои ги собираат државните приходи се гледа разликата, а таа допрва ќе биде повоочлива, тврдат од партијата .