СДСМ за сите мерки ги излажа граѓаните. Младите земјоделци апликанти за мерката „Млад земјоделец“ која платежната агенција ја објави уште во октомври 2018 година се уште чекаат одговор, реагира ВМРО-ДПМНЕ на соопштението на СДСМ како реакција на прес-конференцијата на Цветан Трипуновски.
„Министерот Димковски и директорот на платежната Бабовски треба да одговорат има или не средства во програмата за оваа мерка? Доколку има зошто е во застој, доколку нема, зошто нема иако е ветено и распишан повикот?
На земјоделците им е преку глава од лагите на СДСМ. Оваа власт земјоделците ги донесоа до питачки стап. Власта предводена од СДСМ донесе само стагнација во македонското земјоделие.“, се наведува во соопштението на партијата.