„СДСМ ја издигна деструкцијата на ниво на партиско обележје. Заканите кон актуелната власт им преминаа во секојдневен начин на комуникација.
На СДСМ им пречи тоа што пензионерите добиваат повисоки пензии. На СДСМ им пречи тоа што македонските пензионери примаат највисока пензија во регионот.
Во време на ВМРО-ДПМНЕ од 2006 до денес најниската пензија е покачена за 94%, а просечната за 79%. Оваа година во октомври пензионерите ќе добијат уште едно покачување од 650 денари.
За разлика од ова, СДСМ го преферира времето кога на пензионерите им ги намалија пензиите за 8%, кога ги делеа пензионерите во 3 категории и им доцнеа со исплаќањето на пензиите, кога воведуваа нови модели на усогласување што дадотно им ги кратеа пензиите на пензионерите.
Затоа СДСМ се толку разочарани. Свесни се и знаат дека се приближуваат изборите и дека пензионерите ќе избираат помеѓу покачувањата кои им ги воведе ВМРО-ДПМНЕ и намалувањата и доцнењето на пензиите кое им го изврши СДСМ“, се вели во реакцијата на ВМРО-ДПМНЕ на соопштението на СДСМ.