ВМРО-ДПМНЕ реагира на изјавата на Игор Ивановски од СДСМ, кој најави интерпелација за работата на претседателот на Регулаторната комисија, кој е поранешен претседател на ОК на ВМРО-ДПМНЕ за Кратово.
„Лага е дека цените на енергенсите зависат од ВМРО-ДПМНЕ. Регулирањето на нивната вредност не го прави Владата, туку независна комисија која ги следи ценовните вредности на светските берзи. Цената на нафтените деривати е директно поврзана со цената на енергенсите на светскиот пазар која драстично се зголемува. Македонија веќе 20 години опстојува во отворена економија и никако не може да биде исклучок од овој процес и да биде имуна на светските трендови“, се вели во реакцијата.