ВИДЕО: Заев се сретна со Жан-Филип Куртуа, Извршен потпретседател и претседател, Мајкрософт Глобални продажби, маркетинг и операции

Од:

Како дел од бројните активности и средби на Светскиот економски форум во Давос, Претседателот на Владата на Република Македонија Зоран Заев денеска се сретна со Жан-Филип Куртуа, извршен потпретседател и претседател, Мајкрософт Глобални продажби, маркетинг и операции, една од компаниите на глобалниот лидер во информатичката технологија.

Двајцата соговорници на средбата разменија мислења за потенцијалите за соработка меѓу Мајкрософт и Владата на Република Македонија во делот на информатичката технологија, во делот на услугите од информатичката технологија, како и во делот на платформите за размена на знаења и искуства.

Претседателот на Владата на Република Македонија Зоран Заев го информираше извршниот потпретседател и претседател, Мајкрософт Глобални продажби, маркетинг и операции Жан-Филип Куртуа за степенот на развојот и примената на информатичката технологија и го запозна со програмата на владата за долгорочна и суштинска апликација на новите информатички технологии во администрацијата, образованието и во сите други области.

Посебно внимание на средбата беше посветено на информацијата дека Владата на Република Македонија ги разгледува можностите за развој и за апликација на блокчејн технологија, како и за потенцијалите кои стојат пред оваа глобална компанија да учестува со проекти во образованието во средното и универзитетското образование.

Премиерот Заев на средбата информираше и за подготовките за организацијата на првиот самит за ИТ (дигитална економија) кој ќе се одржи во Република Македонија како прв од ваков тип во регионот, и како дел од Берлинскиот процес.

Премиерот Заев информираше и за можностите за инвестирање во Република Македонија и го запозна соговорникот со размислувањата на владата да го намали данокот за ИТ компаниите, како и за можностите за дополнително зголемување на државната помош за компаниите од информатичката технологија.

Би можело да ве интересира

Бугарската влада на Росен Желјазков го преживеа гласањето за недоверба

Одлуката на САД за царинските трошоци, нема да има голем импакт врз нашата економијa тврди Владата

Влада: Засега немаме добиено барање од СДСМ за лидерска средба

Владата ги осуди неодговорните и неетички постапки на одредени странски медиуми во однос на известувањето на трагичниот настан во Кочани

Владата апелира медиумите кои емитувале видео и фото материјали од погребот на жртвите да ги повлечат

Трошоците за транспорт и сместување на семејствата кои имаат повредени во трагедијата во Кочани ќе ги плати Владата

Горан Наумовски