Претседателот на Владата на Република Македонија Зоран Заев, кој од денеска престојува во Софија, Република Бугарија, по повод Самитот на ЕУ за Западен Балкан, денеска се имаше средба со Извршната директорка на Светска Банка Кристалина Георгиева.
Премиерот Заев и извршната директорка Георгиева изразија заедничко задоволство од досегашната соработка и аранжмани меѓу Република Македонија и Светска банка, особено во делот на поддршката на банката во финансирањето на инфраструктурните проекти како што е рехабилитацијата и реконструкцијата на регионалните и магистралните патни правци.
Посебно внимание Претседателот на Владата на Република Македонија Зоран Заев и Извршната директорка на Светска Кристалина Георгиева посветија на идните планови за соработка.
Премиерот Заев изрази ја покани Светска Банка да земе учество во Инструментот Рамка за инвестиции на Западниот Балкан (Western Balkans Investments Framework,WBIF), со нагласка на проектите во транспортот и енергетиката.
Во таа насока премиерот Заев ги елаборираше проектите за енергетска независност и за борба против аерозагадувањето за што е предвидено Владата на РМ, со поддршка на банката, да формира Фондови за енергетска ефикасност и за борба против загадувањето.
Претседателот на Владата на РМ Зоран Заев и Извршната директорка на Светска Банка се согласија дека во таа насока се добредојдени финансиските аранжмани кои ја препознаваат иднината за енергетска независност со поддршка за нови капацитети за обновливи енергија, особено во делот на фотоволтаичните електрични централи
Извршната директорка на Светска Банка Кристалина Георгиева истакна дека оптимизмот, реформите и развојот на Република Македонија во минатата година се препознаени и изрази подготвеност банката да ги земе предвид и другите проекти како што се иницијативите за трговија и транспорт од стратегијата за поврзување на Западниот Балкан што произлезе од Берлинскиот процес.
На средбата беше искажан взаемен интерес Светска Банка да ги поддржи проектите поврзани со локалниот економски развој на општините во Република Македонија за поголема финансиска самостојност на општините и за создавање на услови за економски раст на локалните самоуправи.
Извршната директорка на Светска Банка Кристалина Георгиева истакна дека банката е подготвена, заедно со институциите во земјата да изготви студија за темелна проценка на идентификација на потенцијалите на Република Македонија за економски и општествен раст, која може да биде основа за идната стратегија за раст и за креирање нови работни места.