Увозот на играчки во Европската унија минатата година бил петпати поголем од извозот, а најмногу се увезувало од Кина, додека меѓу земјите извознички се издвоила Чешка, покажуваат податоци на европскта агенција за статистика.
ЕУ минатата година увезла играчки во вкупна вредност од речиси 7,2 милијарди, а извезла во вкупна вредност од само 1,5 милијарди евра, утврди Евростат.
Најмногу се увезувале играчки од Кина, на која во 2016 отпаднале 85 отсто од вкупниот увоз. Потоа следува Хонг Конг со четири отсто удел во вкупниот увоз на играчки во ЕУ, па Виетнам со два проценти.