Уште 500 руски туристи се блокирани на грчките острови Крф, Родос и Крит, откако друг руски туроператор објави банкрот оставајќи ги своите клиенти без превоз до татковината.
Агенцијата „Интаер“ објави банкрот само неколку дена откако петтиот најголем руски туроператор „Лабиринт“ банкротираше и остави во Грција над 8.000 руски туристи.
Грчките и руските власти се во постојан контакт за да може осигурителна компанија да ги покрие трошоците на грчките хотелиери. Од средината на јуни банкротираа и компаниите Нева, Роза, Ветров мир, Експо Тур, Идеал Тур и Лабиринт.