Турската лира останува стабилна и покрај новите американски санкции воведени против Турција поради нејзината офанзива во Сирија.
Минатата година, зголемените тарифи за турскиот челик и алуминиум имаа негативен ефект врз економијата на земјата.
Кога Турција ја почна офанзивата во североисточна Сирија, САД неколку пати се заканија дека ќе ја уништат нејзината економија со санкции. Тие официјално беа објавени во понеделникот, а Вашингтон бара итно запирање на воената операција.
Турската лира засега е стабилна. Девизниот курс остана на 5,89 турски лири за еден долар. Пред тоа, кога вредноста на доларот се зголеми, луѓето во редици чекаа да купат долари. Но сега нема никој, изјавил за локалните медиуми вработен во менувачница.