Јапонскиот производител на автомобили Тојота во средата ги повика сопствениците на 7,43 милиони возила ширум светот, вклучително и Европа, да ги донесат на поправка своите автомобили поради неисправен прекинувач за отворање на прозорците на автомобилите.
Неисправноста била утврдена на повеќе од десет модели, произведени во периодот од 2005 до 2010 година.
Тојота појасни дека прекинувачот на прозорците на вратите кај возачот не бил рамномерно подмачкан за време на производството Засега нема пријави за евентуална несреќа или повредени поради овој проблем.
Модели со ваков проблем кои се продавале во Европа се „јарис”, „корола”, „аурис”, „камри” и „РАВ-4”.