Стопанските комори на Мјанмар и Тајланд денеска во Јангун потпишаа договор за унапредување на економската соработка меѓу двете држави и заеднички акции во комплетирање на договорите за создавање на економска заедница на државите од АСЕАН. Новата економска заедница на десетте држави на АСЕАН, АЕК треба да профункционира на крајот на 2015 година, и ќе работи речиси идентично како Европската Унија.
Мјанмар е најголем трговски партнер на Тајланд. Екномската размена меѓу двете држави лани имала вредност од над осум милијарди долари.
Од јуни 2010 година, до јуни годинава Тајланд инвестирал 10,2 милијарди долари во Мјанмар и по Кина е најголемиот странски инвеститор во таа држава. Кинеските и тајландските инвестиции придонесоа годишниот пораст на економијата на Мјанмар во последниве пет години да се движи меѓу 7 и 9 посто.