На автосалонот во Катар е претставен моделот „Lykan Hypersport“ на блискоисточната компанија „W Motoors“. Вкупно ќе бидат напрaвени само седум примероци, а цената на еден автомобил изнесува 3,4 милиони долари.
Иако некoи можеби ќе му замерат на неоригиналниот дизајн, „Lykan Hypersport“ секако има впечатлив изглед, со интересно обликувана маска на ладилникот и полусокриени фарови, а занимливо е и решението на задниот дел од автомобилот со стоп светлата во форма на бумеранг.
Кога станува збор за спецификациите на моторот и перформансите „Lykan Hypersport“ има со што да се пофали. Централно сместена, шестоцилиндричната погонска единица е опремена со два турбо полначи и е во состојба да развие 750 КС и максимален обртен момент од 1.000 Нм.
Според тврдењето на производителот „Lykan Hypersport“ од место до 100 км/ч стигнува за само 2,8 секунди, додека неговата максимална брзина изнесува 395 км/ч.