Вицепремиерот и министер за финансии Зоран Ставрески во изјава за МТВ најави пет нови странски инвестиции во земјава.
„Со пет компании сме во финална фаза, односно пред потпишување на договор за инвестирање. Станува збор за две турски инвестиции, една американска, неколку од регионот“, изјави Ставрески синоќа во интервју за јавниот сервис.
Тој во интервјуто откри дека двете турски компании се од медицинската област кои ќе инвестираат во свои погони во Бунарџик, додека американската компанија како локација за инвестирање го избрала Кочани.
Освен Бунарџик, потенцијални инвститори има и за другите технолошко индустриски зони низ Македонија. Вицепремиерот најави дека Охрид, Струга, Тетово и Кичево се градовите каде во наредниот период ќе има инвестиции од странство.