ССК: Новите марки за заштита од Ковид се неспроведливи, треба да се прецизираат

Од:

Сојузот на стопански комори (ССК) смета дека со новите мерки за заштита од ширење на КОВИД кои вчера стапија во сила, се предизвикуваат дополнителни проблеми поради нивната селективност и неспроведливост во пракса.

Како што вели Александра Андреева, член на Управен одбор на ССК, се остава простор за произволно толкување на одлуките.

-Владата треба да појасни дали мерките важат и за влез на лицата вработени во угостителските објекти, моловите и сите други објекти кои се опфатени со забраната доколку не поседуваат сертификат за вакцинација или потврда за поминати 45 дена од прележан КОВИД. Во овој момент во пракса се случува при инспекциски надзор да се бара потврда за вакцинација за сите лица во објект, не правејќи разлика меѓу вработени и посетители со што постои потенцијална можност за ограничување на правата на личен избор на лицата вработени дали да се вакцинираат. Се бара прецизирање и јасно објаснување дали влезот во објект е слободен за секој кој поседува доказ за имунизација или од ова се исклучок лицата во работен однос во овие објекти. Недореченоста на мерките од страна на владата во незавидна положба ги става и работодавачите кои не знаат дали и како треба да постапуваат, нагласува Андреева.

Воедно, додава, иако за лицата до 18 години не е истакната одредба со која се бара да приложат потврда за влез во објектите каде постои забрана, сепак во пракса многу случаи се регистрира појава да не им е дозволено да влезат со објаснување од редарската служба дека „изгледаат” повозрасни отколку што реално се, што немаат начин како да го докажат. Исто така нејасно е и дали лицата до 18 години влегуваат во вкупната бројка од 30 лица која се дава како услов за воведување дополнителни мерки.

-Повторно останува дилемата и прашањето врз основа на кои овластувања редарската служба го црпи правото за легитимација и контрола на граѓаните. Поради овие дилеми се отвора простор за самоволно толкување и спроведување санкции од страна на институциите, дополнително обременето од новите појави на тргување со потврди за вакцинација за кои објектите немаат начин да ја утврдат нивната веродостојност имено поради целосната неспроведливост и нелогичност на донесените мерки. Постојат голем број на дилеми и отворени прашања и околу тоа како треба да се спроведат мерките, што отвора простор за нивно слободно толкување и оди во прилог на нивна неспроведливост во пракса, а воедно не се допринесува за подобрување на здравствената состојба бидејќи голем број на потенцијални жаришта на можни зарази остануваат без било какви мерки на превенција, како јавниот превоз и институциите каде циркулираат стотици вработени и посетители, вели Андреева.

Според ССК, ваквата селективност и некоординираност во постапувањето со носење неспроведливи и дискриминаторски мерки го отежнува економскиот тек и ја влошува и онака тешката финансиска состојба на претпријатијата и влијае на зачувување на работните места.

-Сојузот на стопански комори на Македонија е за воспоставување систем на заштита, но со мерки кои се логични и недискриминаторски, со кои не само про-форма, туку навистина ќе се постигне заштита на сите граѓани, потенцира Андреева.

Би можело да ве интересира

Трајан Ангелоски е нов претседател на Сојузот на стопански комори на Македонија

А1он

Сојуз на стопански комори на Македонија: Итно да се преземат чекори за справување со енергетската криза

А1он

Македонско-хрватски бизнис средби: Авиолинија меѓу туристичките центри и економска дипломатија

Ана Ололовска

Арсовска: Има потенцијал за удвојување на трговската размена со Хрватска

Ана Ололовска

Арсовска: Малите и средните претпријатија се клучот за побрзо економско закрепнување

Ана Ололовска

ССК ќе издава меѓународен сертификат „Safety Travel Stamp“

Ана Ололовска