Српските банки тврдат дека немаат намера да се откажат од наплатувањето на трошоци за обработка на кредити и покрај двете правосилни судски пресуди во кои е заклучено дека тие немаат право да го наплатуваат овој надомест.
Според претседателот на Здржението на банките на Србија, Верољуб Дугалиќ, банките немаат причина да се откажат од наплатата на овој надомест, затоа што ги штити законот.
– Апелацискиот суд не беше во право кога се повика на Законот за облигациски односи, затоа што тој Закон на банките не им забранува наплата на трошоците за кредит, вели Дугалиќ.