Српската влада бара итна седница на ЦЕФТА или ќе воведе реципрочни мерки кон Македонија, доколку во наредните десет дена не се реши проблемот со ограничувањето на македонскиот увоз на брашно и пченица од Србија.
Министерот за трговија Расим Љајиќ, упати писмо до Секретаријатот на ЦЕФТА со барање за вонредна седница за условите кои ги наметнува македонската влада.
Доколку не се најде решение, Србија ќе ја разгледа опцијата за ограничување на македонските домати и вина, а српските министерства веќе работат на подготовка на вакви мерки.
– Владата на Србија е свесна за лошите страни на ваквата одлука, но во интерес на нашето стопанство сме принудени ја да донесеме, со оглед на тоа дека веќе четврта година по ред, Македонија го ограничува увозот на пченицата и брашното од Србија, со што го криши договорот од ЦЕФТА – се наведува во соопштението на српската Влада.
Петар Клинчарски