Првата банка на Персискиот Залив и Националната банка од Абу Даби завршија со спојување, со што е создаден најголем кредитор во Обединетите Арапски Емирати.
Имотот се проценува на 180 милијарди долари, а ќе работи под името Прва банка на Абу Даби (First Abu Dhabi Bank).
– Ова е момент за промени за Абу Даби, за регионот и пошироко, изјави Абдулхамид Саед, главен извршен директор на банката.
Според него, главни приоритети на тој кредитор се во согласност со визијата и амбициите за раст на Абу Даби и ОАЕ.
Абу Даби кој поседува околу шест отсто од светските резерви на нафта, спои две најголеми домашни банки за да стане конкурентен спрема ривалите и да ги зајакне своите можности за кредитирање и да обезбеди финансирање, бидејќи Емиратите се борат со ниските цени на „црното злато“.