Обединетите Арапски Емирати (ОАЕ) се подготвуваат да испратат амбасадор во Техеран за да ги обноват добрите односи со Иран, изјави денеска Анвар Гаргаш, советник на претседателот на земјата, шеикот Мохамед бин Зајед ал Нахјан.
Гаргаш додаде дека Абу Даби не ја поддржува политиката на конфликт со Иран.
Говорејќи пред новинарите во пресрет на посетата на Бин Зајед на Париз, Гаргаш изјави дека ОАЕ „нема да бидат дел од коалицијата против Иран, иако оценуваат дека активностите на Техеран во регионот не им помагаат на дипломатските напори“.
Извор: МИА