Собранието на Македонија денеска расправа за ребаланс на Буџетот за 2012 година. Како главна причина за денешниот дневен ред се наведува кризата во Европа, намалувањето на економска активност во земјава и лошите временски услови во почетокот на годинава.
Ребалансот на Буџетото се наведува дека е неопходен за остварување на предвидениот раст за оваа година како и за натамошно одржување на макроекономската и социјалната стабилност и подобрување на ликвидноста на стопанството.
Општото намалување на економската активност од јануари до март предизвика дефицит на Буџетот од 4,229 милијарди денари или 0,9 отсто од БДП. Тој е последица на остварени буџетски приходи во износ од 31,8 милијарди денари и буџетски расходи во износ од 36,329 милијарди денари. Иако се повисоки за 1,2 отсто од лани, тие се под годишаниот проектиран износ. Проекцијата за растот на БДП за годинава е 2,5 отсто.
На предложениот ребаланс беа поднесени 473 амандмани, од кои не беше прифатен ниту еден.