Најголемате чешка фабрика за автомобили „Шкода Ауто“ на отворено ја претстави и тестираше третата генерација на моделот „Октавија Комби“, јави дописникот на МИА од Прага.
Моделот „Октавија“ има две нови верзии, „Лифтбек“, што се продава од почетокот на февруари и „Комби“, што во автосалоните ќе се појави во мај.
Двете верзии ќе бидат претставени идниот месец на Саемот за автомобили во Женева.
„Октавијата Комби“ произлегува од каросериската верзија на „Лифтбек“ и има ист мотор и основна опрема, но се разликува по тоа што има погон на 4 тркала.
Новата генерација, која се користи и кај други модели на „Фолксваген“ има центрифугална пумпа управувана од силен електромотор, што го намалува трошењето на горивото.
Во споредба со претходниот модел, оваа „Октавија“ е подолга за 90 милиметри и изнесува
4,659 метри и поширока за 45 милиметри и изнесува 1,814 метри.