Најголемиот чешки производител на автомобили „Шкода Ауто“ повторно е избрана за најдобра компанија во Чешка, јави дописникот на МИА од Прага.
Во анкетата „Топ 100“, која има за цел да ги потенцира и оцени чешките фирми кои имаат најширок опсег на економски активности, второто место, како и неколку години по ред, му припадна на електроенергетскиот гигант „ЧЕЗ“.
Третата позиција ја зазема „Кооператива осигурување“, втората најголема осигурителна компанија во земјата.
Рангирањето на претпријатијата се врши врз основа на анкетен систем, во чии рамки се испраќаат над 25.000 прашалници во кои се врши рангирање на успешните компании.
Свеченото доделување на дипломите ќе биде вечерва во Шпанската сала на Прашкиот замок.