Пратеникот на Народната партија на Австрија и потпретседател на Европскиот парламент, Отмар Карас бара монетите од едно и две евра да се заменат со банкноти. Според него, банкнотите се побезбедни, поевтини и полесни.
Потпретседателот на Европскиот парламент укажува дека банкнотата од еден долар во САД е најраспространета банкнота. Карас истакна дека смeта оти денес не постои ниту еден аргумент против банкнотата од едно и две евра.
Бројот на лажни банкноти во ЕУ е во пораст, потсети тој, додавајќи дека минатата година од продавниците и банките од оптек се повлечени вкупно 184.000 лажни монети, за 17 отсто повеќе отколку една година порано. Европската комисија, меѓутоа, воочи страв кај граѓаните од опцијата повлекување на монетата поради загрижноста дека тоа би можело да води кон инфлација.