Mинистерот за економија, Ваљон Сарачини, денеска и утре престојува во посета на Република Словачка, каде што ќе оствари средба со словачкиот министер за економија, Томас Малатински.
На средбата, соопшти Министерството, ќе бидат дискутирани темите од областа на туризмот, трговијата, а ќе се отвори и прашањето за интензивна промоција на можностите и условите за инвестирање во Македонија, со посебен осврт кон прашањата поврзани со регионалната соработка и енергетиката.
Министрите ќе потпишат и меморандум за економска соработка меѓу двете земји со желба за унапредување на економската соработка во областите од заемен интерес, но и размена на искуства во областите на процесот за пристапување во Европската унија.