Рускиот министер за економија Алексеј Уљукаев изјави дека Русија ќе се жали до Светската трговска организација заради санкциите од Западот.
– Најновата рунда санкции дава причини за жалба до СТО. Ние ќе се жалиме, изјави тој.
Европската унија објави содржина на новите санкции спрема Русија, а цел се нафтени компании во државна сопственост.
Освен тоа санкциите опфаќаат и забрана за извоз на оружје во Русија како и т.н. технологии за двојна намена како и забрана за извоз на опрема за истражување и експлоатација на нафта.
Проширена е и црната листа на руски функционери на кои им е забрането да патуваат и да имаат бизниси во ЕУ.