Новото отпишување на грчкиот долг не е неопходно, изјави денеска германскиот министер за економија Филип Рослер во интервју за ДПА.
Тој наведе дека ситуацијата во Грција е подобра во споредба од пред една година.
– Со доаѓањето на власт на новата Влада, Грција постигна видлив напредок, посочи Рослер.
Тој наведе и дека Атина не може да ги избегне реформите на пазарот на труд, во системот за социјално осигурување, во управувањето и приватизацијата на државните претпријатија.