Министре Ставревски не ги лажете граѓаните, буџетот е во поголема „дупка“ од таа што ја кратите со ребалансот – со остра реторика настапи опозицијата на денешната седница посветена на ребаланот на буџетот и најави дека Владата крие дека поради големиот дефицит во буџетот најдоцна до септември ќе биде потребен уште еден ребаланс и ќе следи нов шок за македонската екомномија.
Ивановски поткрепуваќи го ова со бројки рече дека приходот паднал за 9 проценти, а со ребаласот расходите се намалуваат за 5 проценти.
Опозицијата ја обвини Владата дека крати 88 милиони евра за капитални проекти, 14 милиони евра за патишта, дури 8 милиони евра од здравството, а не се откажува од рекламите за кои оваа година ќе одвои 10.6 милијарди евра.
Опозицијата упати остри критики зошто додека се крати од здравството и образованието, ставката за мебел во буџетото се зголемува. Од предвидените 1.7 милиони евра пораснала на 2 милиони евра.
Вчера Ви понудивме појас за спасување, но интерпелацијата не успеа, затоа или радикално менувајте ја приказната за македонските граѓани или спасувајте се како знаете и умеете – му порача Иванов на Ставревски. Стваревски пак го искара Иванов за неговиот „поган јазик“ и го праша што толку лично му грешил што заслужил толкави навреди и го упати да го чита извештајот на Светската банка каде земјава важела за една со најдисциплираните фискални политики и каде пишувало дека Република Македонија има простор за задолжување.
Христена Антовска Јованчева