Во потег кој се чини дека е директно излезен од сатиричен наслов, претседателот Трамп влезе во арената на мемекоини со лансирањето на $TRUMP три дена пред неговата инаугурација, знак кој ветува „огромни“ добивки и „огромна“ иднина – затоа што, сè што ќе допре е „најдобро“. Поддржан од мноштво патриотски мемиња, NFT на неговиот потпис се потсмева и ветува дека тоа е „најстабилната монета досега“, токенот веќе го предизвика бесот на крипто заедницата. $TRUMP сега порасна за повеќе од 10 000% со проценка за иден потенцијал (Fully Diluted Valuation) од 71 милијарда долари, импресивен подвиг што дури го збуни ко-основачот на Binance, CZ. Два дена подоцна, сопругата на Трамп, Меланија, исто така лансираше мемекоин $MELANIA.
Дали вистинското наследство на овие токени ќе стане следниот финансиски феномен или само уште еден удар, останува да видиме. Но, едно е сигурно: кога дури и владејачката прва двојка од една суперсилна земја скока во вагонот, јасно е дека мемекоините повеќе не се само љубопитност – тие се целосен културен феномен.
Сега е моментот да се запознаеме со мемекоините и како започна QUANT мемекоинска сага, со цел да се дознаат базичните принципи кои лежат во основата на успехот на мемекоинот.
QUANT: Како тринаесетгодишно момче започна мини финансиска револуција онлајн
Започна, како што прават повеќето приказни за мемекоини, со шега. Во една ноемвриска вечер во 2024 година, 13-годишен Gen Z стример за својата мала но посветена публика започна пренос во живо изнесувајќи покрај ироничната смисла за хумор, уште и вештини за крипто трендови и фасцинација со мем-токени. Која беше неговата голема идеја? Лансирање на мемекоин наречен QUANT со користење на платформата на Solana, Pump.fun, каде што создавањето криптовалути е лесно како поставување профил на Инстаграм.
За неколку минути, QUANT беше создаден. Младиот творец одлично ја одигра својата улога како тактичен крипто шегаџија. Додека имателите на токени се собираа да купат QUANT, привлечени од ветувањето дека ќе биде дел од „следното големо случување“ во мемекоините, тој го изврши класичниот крипто потег познат како „влечење на килим“, продавајќи 51 милион токени за SOL (Solana) во вредност од 30.000 долари. Потоа, пред очите на својата публика, тој се насмевна и го затвори својот лаптоп како супернегативец во нискобуџетен филм за грабеж.
Во светот на мемекоинот, „влечењето килим“ не е баш ново. Но, она што следеше го трансформираше QUANT од минлива шега во мини финансиска и културна револуција, ништо слично што заедницата дотогаш видела.
QUANTовото „влечење на килимот“ не беше дочекано со резигнација или молчење; наиде на гнев. Наместо да го напуштат проектот како што веројатно очекувал тинејџерот, група незадоволни трговци решиле да се одмаздат на типичен мемекоин начин: ја напумпаа вредноста на токенот до Месечината.
QUANT заедницата се организираше во колективен напор да ја зголеми пазарната капитализација на токенот над 22,6 милиони долари за само 15 часа. Токените што младиот креатор ги фрлил за 30.000 долари одеднаш вределе близу 4 милиони долари. Иронично, главниот мозок зад „влечењето на килимот“ остана да гледа од страна додека неговиот токен стана најжешкиот мемекоин во моментот.
Во меѓувреме, крипто корнерите на Твитер, Редит и Телеграм беа исполнети со шеги, мемиња и теории на заговор. Само во еден славен ден, #QUANT беше во тренд, отелотворувајќи се што претставува пазарот на мемекоините: апсурдно, со колективен интерес и многу непредвидливо.
Како што QUANT добиваше на сила, крипто-негативците го направија она што најдобро го прави интернетот: тие го измачуваа тинејџерот креатор. Неговите лични податоци и на неговото семејство беа објавени на интернет, претворајќи го она што беше разиграна финансиска шега во предупредувачка приказна за темната страна на славата на мемекоин.
И покрај застрашувачките реакции, 13-годишното момче не покажувало знаци на забавување. Всушност, тој ги удвои своите лудории со лансирање на последователни токени со имиња како $Lucy (именуван по неговото куче) и $Sorry, дополнително профитирајќи од шпекулациите за мемекоин. До крајот на 2024 година, тинејџерот стана класичен антихерој во светот на мемекоинот: истовремено тактичен и невнимателен, восхитен и презрен.
За краток момент во ноември 2024 година, QUANT изгледаше незапирливо. Но, како и со сите мемекоини, неговата вредност беше нестабилна како и заедницата што го напојуваше. За неколку недели од неговиот метеорски пораст, цената на токенот почна да паѓа. Од историски највисоко ниво од 0,0633 долари, QUANT сега се тргува со 0,00075 долари, што одразува неверојатна загуба од 98,8% во вредноста.
Едноставно кажано, мемекоините живеат и умираат според распонот на вниманието на нивната заедница. Штом стивнаа бесот и возбудата околу „повлекувањето на килимот“, се намали и интересот на пазарот. Трговците кои го возеле QUANT бранот до неговиот врв, се задолжија, оставајќи ги оние што подоцна се вклучија да се справат со падот. Денес, QUANT постои како дигитална реликвија – доказ и за потенцијалот и за замките на мемекоините.
Навигирање низ мемекоин џунглата
Во хаотичниот универзум на интернет исполнет со меми, криптовалутите познати како мемекоини се појавија како еден од најфасцинантните општествени феномени. Додека традиционалните валути претставуваат економии, стабилност и правила, мемекоините напредуваат базирано врз хумор, виралност и хаос управуван од заедницата.
Мемекоините се уникатен вид на криптовалути, изградени не на технолошките иновации, туку на колективната моќ на интернет културата. За разлика од Bitcoin, кој се појавува како „дигитално злато“ или Ethereum, кој нуди платформа за децентрализирани апликации, мемекоините се дигитални шеги кои се претвораат во финансиски меми. Нивната вредност не лежи во корисноста или недостатокот, туку во заедничкиот хумор и подготвеноста на заедницата да верува во шегата.
Приказната за QUANT е само еден пример за овој феномен, каде токените се создаваат за шега и, преку магијата на ентузијазмот на заедницата, стануваат средство за шпекулативно тргување.
Во срцето на секој мемекоин е заедницата. Патувањето на мемекоин од нејасноста до Месечината – или почесто, депонијата – целосно зависи од колективната енергија на неговите следбеници. Платформите како Pump.fun го направија овој феномен уште попристапен. Со својот кориснички интерфејс, секој може да лансира токен, да го прилагоди неговото брендирање и да го сподели со своите мрежи.
Лансирањето на $TRUMP мемекоин е мастеркласа во културното брендирање, што ја опфаќа трајната способност на Доналд Трамп да се претвори себеси и во симбол и во спектакл. Користејќи го своето големо глобално влијание како политичар, славна личност и претприемач, Трамп ја демонстрира својата вештина да остане релевантен во ера во која доминира интернет виралноста. Овој мемекоин може многу добро да го зацементира неговото наследство како културен нарушувач во свет каде што влијанието се повеќе се тргува како валута.
Да погледнеме уште еден популарен мемекоин во 2024 година: ФАРТКОИН (FARTCOIN). Она што започна како иронија во крипто културата експлодира во легитимен играч на пазарот. Со неговото урнебесно и непристојно име, FARTCOIN привлече лојална база на обожаватели што го претвори токенот во културно обележје. Неговиот подем ја нагласува апсурдноста и сјајот на мемекоините, што во превод би значело: не мора да има смисла, треба само да ги насмее луѓето.
Друго нешто што може да се издвои од 2024 година е подемот на MOODENG, кој беше катализиран од енормната донација од коосновачот на Ethereum, Виталик Бутерин, за зачувување на дивиот свет. Именуван по пигмејскиот нилски коњ во Тајланд кој стана вирален на интернет, токенот го искористи трендот на интернет сензацијата и алтруизмот на KOL. Овој микс ја допре сржта на крипто заедницата.
Ниту една дискусија за мемекоините не е завршена без одобрување од нивниот „дедо“: Dogecoin. Она што започна како разиграна почит на мемето на Шиба Ину, прерасна во империја на криптовалути. Траекторијата на Dogecoin – од интернет шега до мејнстрим валута, е дигитален доказ за моќта на верувањето во заедницата.
Илон Маск, најпознатиот поддржувач на Dogecoin, го внесе овој мемекоин со неговата заштитна ексцентричност. Од ветувањето дека ќе го користи како валута на Марс до формирањето американско Министерство за владина ефикасност (DOGE) за управување со федералните трошоци, застапувањето на Маск од глупава интернет шега го претвори Dogecoin во точка на културно соединување на денешната дигитална ера и симбол за технолошка амбиција.
Златните принципи на мемекоините
За еден обичен корисник, занимавањето со мемекоините подразбира експеримент со висок влог во колективната психологија. Првиот принцип што корисниците мора да го разберат е дека токените ѝ пркосат на традиционалната инвестициска логика, просперирајќи не врз на база на полезноста или на основната вредност, туку на непостојаните струи на виралноста. Успешноста на мемекоините зависи комплетно од способноста да се „фати“ имагинацијата на интернетот, да се создадат бранови од шеги, од трендовите и од културните моменти кои го дефинираат онлајн креаторите на заговори (the online zeitgeist).
Следниот принцип е дека мемекоините се вредни онолку колку што заедницата ги поддржува. Страсната и посветена група следбеници може да го подигне секој мемекоин, без разлика дали тој започнал како искрен проект или како несолена шега. Во случајот со QUANT, неговиот метеорски пораст не беше поттикнат од технолошките иновации, туку од колективниот бес. Решеноста на заедницата да го вреднува токенот по „повлекувањето на тепихот“ од страна на креаторот, ја нагласува централната улога што заедничкиот ентузијазам, а понекогаш и чистиот инает го игра во вреднувањето на мемекоините. Сепак, како што покажува и приказната на QUANT, оваа енергија е минлива. Кога возбудата исчезнува, се намалува и вредноста на токенот.
И на крај, овој испарлив екосистем го отелотворува принципот на висок ризик. Мемекоините се озлогласени по нивните драматични промени на цените, нудејќи можност за претворање на малите инвестиции во огромни добивки или губење сè преку ноќ.
Хаотичната природа на мемекоините несомнено покренува сериозни етички прашања. Што кажува таа за крипто маркетот кога еден 13-годишник може да профитира од непромислено однесување, лансирање токени со мала одговорност? Сагата QUANT ја подвлекува потребата од јасни граници во оваа сфера, почнувајќи од регулација до етички прашања за тоа кој може да креира и промовира дигитални средства.
Во маркетот на мемекоините, секој трговец станува антрополог, движејќи се низ светот управуван од виралност, хумор и непредвидливи сили на колективната акција. Ова е местото каде што финансиите се среќаваат со интернет културата, каде што вредноста на средството не се одредува според она што го прави, туку од тоа колку „гласно“ толпата верува во тоа.
Преку објективот на мемекоините, ја набљудуваме моќта на колективното верување, влијанието на виралната култура и демократизацијата на финансиското учество. Овие токени се, во суштина, хуманост во акција – непредвидливи, колаборативни и бескрајно инвентивни.
Меми-рање со Binance
За оние кои се заинтригирани од лудилото со мемекоините, но бараат поорганизирано игралиште, Binance нуди начин да се приклучат со поголема самодоверба. Процесот на котација на Binance вклучува темелна проверка што помага да се отстранат бесрамните измами и шемите за „влечење на ќилимот“ преку ноќ.
Сепак, клучно е да се знае дека дури и на Binance, ангажирањето со мемекоините е далеку од гарантиран пат до богатството. Возбудата на овој пазар доаѓа со својствени ризици и никогаш не треба да тргувате повеќе отколку што сте спремни да изгубите. Без разлика дали го возите бранот на некој културен феномен или сакате само да се натопите во манијата на мемекоините, Binance нуди начин да го сторите тоа со поголема безбедност и структура во инаку непредвидлив пејзаж.