Американскиот претседател Доналд Трамп со објава на својата социјална мрежа Truth Social откако рускиот лидер Владимир Путин предложи отворање директни преговори меѓу Украина и Русија.
Трамп рече дека тоа е „секако голем ден за Русија и Украина“.
„Замислете стотици илјади животи кои ќе бидат спасени ако конечно заврши оваа бескрајна „крвава гозба“. Тоа ќе биде сосема нов, и многу подобар свет“, е пораката на американскиот претседател.
Дополнително, тој додаде дека „доаѓа голема недела“, и дека ќе „работи на двете страни“ за да се стави крај на војната.
Претседателот на Русија, Владимир Путин, во доцното ноќно обраќање на руската телевизија предложи отворање на директни преговори меѓу Русија и Украина.
Тој дури предложи тоа да биде веќе на 15 мај во Истанбул, а неговите пораки дојдоа откако украинскиот претседател Володимир Зеленски, заедно со неколку други европски лидери, предложија 30-дневно примирје.