Францускиот производител на автомобили Пежо ги објави првите детали за моделот РЦЗ Арлен Неш.
Моделот ќе биде официјално претставен на „Motor Bike Expo Show“ во Верона, Италија.
Името на автомобилот е во чест на познатиот производител на мотоцикли Арлен Неш. Станува збор за модел со екстериер во две бои, со темно црни украси, кожен управувач и оригинални фелни.
Пежо РЦЗ има спортски прилагодена суспензија, Охинс амортизери и Брембо сопирачки со високи перформанси.
Моделот доаѓа со 1,6 литарски ТХП мотор кој има филтер со висок проток на воздух и издувен систем Термигнони. Како резултат на тоа, испорачува 200 коњски сили.