Земјоделците денеска протестираа пред зградата на Министерството на аграрен развој во Атина со барање за различен развој на земјоделскиот сектор, што ќе биде во услуга на потребите на народот, пренесе грчкото национално радио.
Делегација на фармери се очекува да биде примена од министерот на аграрен развој.
Протест на земјоделците ќе се оддржи и пред грчкиот парламент, каде тие бараат да ги врачат своите барања.
Пред оваа акција грчките земјоделци протестираа повеќе од еден месец, правејќи блокади со трактори и друга техника во целата земја. Повеќе пати го затвораа движењето по различни автопатишта, со што предизвикаа и судири со полицијата.
Во знак на протест тие организираа акции за делење овошје и зеленчук на граѓаните.
Гневот на земјоделските производители е насочен против намалелите приходи, повисоките камати врз кредитите и зголемувањето на даночниот товар.
Едно од фармерските барања е мажите да заминуваат во пензија на 60, а жените на 55 години.