Бројот на регистрирани нови автомобили во Франција продолжува да опаѓа, од како и во февруари се евидентирани за 12,1 отсто помалку регистрации, што, според експертите, укажува на структурална криза на автомобилкиот пазар, јави дописникот на МИА од Париз.
Во февруари биле регистрирани 143.366 нови автомобили, од како претходно и во јануари бројот на регистрациите опадна за 15 проценти.
Комитетот на француските автомобилски производители оцени дека пазарот на автомобили оваа година ќе забележи намалување на продажбата за пет проценти, иако во првичните прогнози сметаше дека ќе има само стагнација.