Продолжија протестите на незадоволните граѓани по иницијатива на граѓанската асоцијација АМАН, поради високите цени на струјата и парното греење.
И вечерва со извици „Лопови, лопови“, „Нема да ви плаќаме“, граѓаните ги упатија барањата за укинување на 33% ангажирана моќност, и враќање на цената на електричната енергија и парното греење од 2008 година и создавање на цена на горивата соодветно на македонските стандарди.
Граѓаните и вечерва отидоа на прошетка со извици на негодување и „Заедно сме посилни“ пред Собранието и улиците низ центарот на Скопје, повикувајќи ги луѓето од зградите да излезат и да се приклучат на протестот.