Четворица премиери од регионот денеска ќе бидат учесници на панел на тема „Дали регионот може да се натпреварува на глобалниот пазар?“ на Самит 100 што од вчера се одржува во Скопје.
Потврдено е учеството на премиерот на Република Македонија Зоран Заев, претседателот на Советот на министри на БиХ Денис Зиздиќ, премиерот на Албанија Еди Рама и премиерот на Црна Гора Душко Марковиќ.
Премиерите ќе дебатираат и на темите за енергијата, за економиите засновани на знаење, за брендирањето, за дигиталната економија и за стратегиите за поврзување на регионот и за заеднички иницијативи во областа на туризмот.
На Самитот учествуваа над 150 бизнис лидери од Југоисточна Европа, министри и претставници на Европската унија.
Поврзувањето е клучната тема на Самит 100 во Скопје, односно поврзување во различни области и на различни нивоа.