Владата по предлог на Министерство за финансии на денешната седница го усвои годишниот извештај за функционирање на системот на јавна внатрешна финансиска контрола за 2016 година.
„Во однос на оваа точка, функционирање на системот на јавна внатрешна финансиска контрола, членовите на Владата констатираа слабости во однос на работата на внатрешните ревизии и контрола на јавните финансии на централно и локално ниво“, соопшти Владата.
Од таму додаваат дека на седницата е усвоен заклучок да бидат преземени соодветни и поригорозни мерки за да се подобри ефикасноста на контролата на трошењето на јавните финансии.