Седмото извлекување од наградната игра „Фискална во рака – награда без мака“ ќе се одржи на 30 јуни. Во ова коло ќе се извлекуваат добитници на стан, деловен простор, автомобил и 150 вредносни ваучери.
Учествуваат сите коверти испратени до 29 јуни и неизвлечените од второто, третото, четвртото, петтото и шестотото извлекување, кои се чуваат од страна на приредувачот Државна лотарија на Македонија.
Досега од наградната игра чиј приредувач е Државна лотарија на Македонија под покровителство на Министерство за финансии, се доделени еден стан, еден деловен простор, пет автомобили и 750 вредносни ваучери од 60.000 до 1.000 денари.
Во сите извлекувања до крајот на наградната игра, може да се учествува со коверти со по дваесет фискални сметки од најран датум 15 ноември 2013-та.
Во пресрет на седмото извлекување, Државна лотарија на Македонија од утре почнува карван во рамки на кој ќе бидат поставени пунктови со наменски кутии на повеќе локации во повеќе населени места.
Карванот ќе тргне утре од Куманово, а ќе заврши во Струга и Охрид на 29 јуни 2014 година.