Директорката на Фондот за здравствено осигурување и државниот секретар во Министерството за правда се повлекуваат од функцијата на нивно барање, а поради истек на мандатот сменет е и директорот на Управата за животна средина.
На последната седница Владата одлучи на местото на директорката на ФЗОМ Маја Парнарџиева Змејкова да дојде Јован Грповски, а на позицијата државен секретар во Министерството за правда наместо досегашниот Диме Спасов го именува Илија Ристовски. За нов директор на Управата за животна средина е именуван Игор Трајковски кој доаѓа на местото на досегашниот директор Филип Иванов.
Портпаролот на Владата Александар Ѓорѓиев денеска на прес-конференција информираше дека Парнарџиева Змејковска и Диме Спасов се сменети на нивно лично барање, а Иванов поради истекување на мандатот.