Вкупниот бруто надворешен долг на Бугарија на крајот на септември изнесувал речиси 34,2 милијарси евра, што е за 13,1 отсто помалку во однос на истиот перод лани, соопшти денеска Бугарската народна банка.
Како што јави БТА, бугарскиот надворешен долг на крајот на септември бил на ниво од 79,4 отсто бруто домашниот производ на земјата.
Долгорочниот долг на Бугарија во наведениот период изнесувал 26,27 милијарди евра, што е на ниво од 61 отсто од бугарскиот БДП и за една година се намалил за 10,4 проценти.
Од дрига страна, краткорочните задолжувања изнесувале над 7,9 милијарди евра, што претставува нивно намалување на годишно ниво за 13,8 проценти.