Продолжува дебатата за ребалансот на буџетот. Повторно опозицијата и власта ќе ги вкрстат аргументите за рекомпонирањето на државната каса, само четири месеци, откако буџетот беше изгласан.
Опозицијата, вчера жестоко критикуваше, дека ребалансот на буџетот не е навремен и адекватен, поставен е на погрешни претпоставки за растот на економијата, а по него ќе треба да следува уште еден ребаланс.
За власта со ребалансот се обезбедува одржување на капиталните инвестиции на високо ниво и со него, не се намалени платите, пензиите, социјалната помош и субвенциите за земјоделците.
Според Деловникот, дебатата за буџетот, трае три дена, што значи доколку денеска не се исцрпат дискусиите, утре ќе се направи пауза поради седницата за пратенички прашања и најверојатно, ќе се продолжи в петок, за да се затвори точката за ребалансот.