Компанијата ОНЕ денеска објави дека во првото полугодие од годината остварила раст во сите сегменти од работењето како и дека очекува да го задржи позитивниот тренд во работењето.
Во првата половина од 2012, ОНЕ оствари раст од 24 отсто на заработката пред плаќање камати и даноци (ЕБИДТА) и раст на приходи од 3 отсто споредено со истиот период лани.
„Со задоволство можам да истакнам дека ОНЕ бележи раст во сите сегменти од работењето. Горди сме на постигнатото што е резултат на силните заложби на менаџментот, но и на иновативноста, новите комерцијални политики, квалитетот и уникатноста на нашите производи и услуги“, изјави Генералниот извршен директор на ОНЕ, Цирил Кафол .
Групацијата Телеком Словенија, која е сопственик на македонскиот оператор, објави дека на ниво на Групацијата во првото полугодие се остварени 391,1 милион евра приходи од работењето, што е за три отсто помалку во споредба со истиот период лани.
Заработката пред плаќање камати и даноци била за три отсто повисока, што значи 41,3 милиони евра, додека нето профитот се покачил 5% и достигнал 26,5 милиони евра.
Воедно, нето финансискиот долг е намален за 27% во текот на последните 12 месеци и изнесува 325,8 милиони евра на крајот од првата половина од годината.