Луксузниот бренд „Лексус“ на јапонскиот производител на автомобили „Тојота“ ги објави првите фотографии од новиот модел ИС, кој официјално ќе биде претставен на Саемот на автомобили во Детроит.
Новиот Лексус ИС е инспириран од концептот ЛФ-ЦЦ, кој беше објавен на претходните саеми.
Компанијата „Лексус“ наведува дека новиот модел има поголемо меѓуоскино растојание и повеќе простор за колената. Моделот ќе биде достапен и во хибридна верзија.
Лексус објави фотографии од моделот Ф-Спорт со истакнат преден дел. Редизајнирана е и внатрешноста, каде доминира екран чувствителен на допир.
Новиот модел ИС ќе биде достапен во верзиите ИС250, ИС350 и хибриден ИС300х.