Украина располага со финаниски ресурси за да ја изврши следната уплата за руски гас, изјави вчера во Брисел рускиот министер за енергетика Александар Новак, по завршувањето на тристраните преговори Русија-ЕУ-Украина, цитиран од ТАСС.
Тој забележа дека во рамки на разгледувањето на зимскиот пакет за испораки на руски гас, украинската страна потврдила дека е подготвена гасот задолжително да го плаќа, а тоа најмногу ќе зависи од надворешните температури на воздухот и од нивото на потреби на стопанството и населението.
Новак посочи дека до вчераутро биле платени 68 милиони кубни метри гас.
Украина има дневни побарувања од 10 милиони кубни метри и испораката ќе зависи од потребите на земјата.
Според рускиот министер, тешко е да се каже кога Киев ќе го направи следното плаќање.
– „Газпром“ ќе доставува толку гас колку што ќе биде платено, како и според дневните барања, кои се посочени во тристраната спогодба, додаде Новак.
Министерот подвлече дека Русија, Украина и Европската комисија (ЕК) вчера не потпишале никакви документи.
Новак дополни дека Украина не и доставила на Русија никаква писмена потврда дека одбива да плаќа за испораките за Донбас.